Kam nevojë për ndihmë

Je në rrezik tani?

Nëse dikush po të lëndon ose të kërcënon tani, telefono policinë. Nëse nuk mund të flasësh, lëre linjën hapur.

Dua të flas me dikë

Këto linja janë falas, punojnë ditë e natë dhe nuk të pyesin për emrin. Të dëgjon një këshilltare, zakonisht një grua, që nuk të gjykon dhe nuk të thotë çfarë "duhet" të bësh.

Nuk di çfarë të thuash? Mund të fillosh kështu: "Nuk e di nëse jam në vendin e duhur, por kam nevojë të flas me dikë." Më shumë fjali dhe çfarë ndodh kur telefonon: Si të filloj.

Ku mund të fle sonte?

Strehimoret për gra janë falas dhe fëmijët vijnë me ty. Aty ke vend të sigurt për të fjetur, ushqim, këshillim dhe ndihmë për hapat e ardhshëm. Adresat nuk publikohen për sigurinë e grave: kur telefonon, të thonë ku të takoheni.

• Strehimoret në KosovëPrishtinë, Mitrovicë, Pejë, Prizren, Gjakovë, Gjilan
• Strehimoret dhe qendrat në ShqipëriTiranë, Shkodër, Vlorë, Elbasan dhe linja 116 117

Jetoj jashtë vendit

Edhe jashtë vendit ka linja falas për gratë që përjetojnë dhunë. Në rrezik tani: 112 në Evropë, 999 në Britani, 911 në SHBA.

Më shumë për gratë jashtë vendit, lejet e qëndrimit dhe fëmijët: Jashtë vendit.

Nuk jam e sigurt nëse është dhunë

Nëse të rreh, të kërcënon, të poshtëron, të kontrollon telefonin ose të merr paratë, kjo është dhunë, edhe kur nuk të godet. Nuk është faji yt. Bëj testin e shkurtër, askush nuk e sheh.